منتديـــــــــات ابنـــــــــاء البزعــــــــــه
حبااااااااااااابكم عشــــره بلا كشره

منتديـــــــــات ابنـــــــــاء البزعــــــــــه

قال تعال: ((يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ ))
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بنوت عمك يعاينن ليك زي لبن الطير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملاك الروح



عدد المساهمات : 18
تاريخ التسجيل : 22/11/2011
العمر : 37
الموقع : الدويم_ابوشبيكه

مُساهمةموضوع: بنوت عمك يعاينن ليك زي لبن الطير   الإثنين ديسمبر 12, 2011 9:32 pm

يا محمد أخيرلك

تحقب ها الهدام

وعقاب الفضل من عمرك

وتقبل أخير...

وشهايد الجامعه

تسيهن ليك بخرات

والخبرات

فى موية تموصن

تتكافابن شر المسغبه

والجفير...

والاشواق والريد

تناسهن

ورفاقة الزيف

الكانو معاهن

أصلو الوفا والضكره

وحاتك

فى الخرتوم

ضايع معناهن

بين اللكشر والكوفير...

أحسن ليك

صد لى غنيماتك

جبنة الضحوى مع خالاتك

شاى المغرب عن عماتك

خشم خشمين

بى فوق الحطيه

وآخر الليل عن حاج الخير...

أرجع سيلك

مسره وتايه

أزرع ليك تمنين بتيخ

جدعة مسمس

وفول أنقايه

وقضى نهارك فى الخدير...

شاسى ونم

والصيه تجادعك

وساعة المرقة

الحره توادعك

والايام بتطيب وتبادعك

الهبابى

وضل النيمه وموية الزير...

جت الحله الناس بتعرفك

أصلك

وفصلك

أهلك ونسلك

شيخ الحله

يوطى وإسالمك

ويات من فيها

يشابى يكالمك

كل الناس ساواك كبير...

الحبوبه

تشم و تقالدك

وأى كبير

تاج راسك ووالدك

والفى الداره يهز ويجالدك

وإبشر فيك

يامك بالخير...

مالك

بترخس روحك للخرتوم

والحله رجال وعوين

خاتك تاج راس

بنوت عمك أعاينن ليك

زى لبن الطير...

ياخ أرجع أخير...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 17
تاريخ التسجيل : 09/11/2011
العمر : 33
الموقع : السودان / شمال كردفان/ام صيقعون الجاك

مُساهمةموضوع: رد: بنوت عمك يعاينن ليك زي لبن الطير   الثلاثاء ديسمبر 13, 2011 5:46 pm

الي الامام دوما ياملاك الروح والله انت روح هذا المنتدي
مشكوووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abza3.montadarabi.com
 
بنوت عمك يعاينن ليك زي لبن الطير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـــــــــات ابنـــــــــاء البزعــــــــــه :: المنتدي العام :: المنتدى الاجتماعي-
انتقل الى: